شرح التقديم في الهجرة العشوائية لآمريكا 2021

شرح التقديم في الهجرة العشوائية لآمريكا 2021
    الشروط الجديدة للتقديم علي الهجرة العشوائية لأمريكا 2021 | رابط تقديم قرعة أمريكا


    الشروط الجديدة للتقديم علي الهجرة العشوائية لأمريكا 2021 | رابط تقديم قرعة أمريكا

    موسم جديد نتمني التوفيق للجميع ..

    الهجرة العشوائية لامريكا,اللوتري,اليانصيب كل دى اسماء لنفس الفيزا فيزا الهجرة الى امريكا

    قبل اي شئ الهجره ل امريكا لا تحتاج لغه انجليزية ورسوم التقديم مجانا

    اولا.

    الهجره لامريكا بتتعمل كل سنه بقدم عليها اكتر من 10 مليون شخص وبيختاروا 55 الف فيزا فقط من الناس الى قدمت فى العالم
    وكل دوله ليها عدد معين من المكسب مثلا بيختاروا من مصر كل سنة 3500 يعنى كل سنه بيكون فيه نسبة من الفوز لكل دولة

    ثانيا. طريقة التقديم

    كل سنه فى شهر 10 بفتح التقديم فى الهجره لامريكا على ويب سايت (موقع) تابع ل االخارجية الامريكية وبستمر التقديم 30 يوم
    مش محتاح حد يقدم لك انتا بتقدم لنفسك والمعلومات المطلوبه انك بتكتب اسمك واسم ولدك واسم الجد
    وتاريخ الميلاد المؤهل الدراسى والجنسية والبلد المولد فيها ومتجوز ولا لا وعندك اولاد ولا لا وبتحتاج صورة شخصيه 5 فى 5 خلفيه بيضاء لتقديم
    حضرتك بقا لو متجوز وعندك اولاد هيبقا هتحتاج صورة 5 فى 5 للزوجتك ولكل واحد من الاولاد خلفيه بيضاء
    وهتحط المعلومات بتاعتهم بردو . والمتجوز بكون له فرصه فى الفوز اكتر لان بقدم بااسمه طلب ويحط زوجته والاولاد معه
    وبقدم بااسم زوجته طلب تانى وبحط نفسه والاولاد معها يبقا هو كدا قدم طلبين مش طلب واحد لكن لو حد من الاولاد اكبر من سن 21
    مش هتضيفه معاك هقدم طلب لنفسه يبقا كدا الاولاد الى فوق 21 ممنوع اضافتهم مع الاب او الام ولو عندك ولد او بنت معاها الجنسيه الامريكيه مش هتذكرها فى التقديم ولا مطلوب صور لها . لان هى تقدر تدخل امريكا فى اي وقت لو حد من الاولاد متزوج مش هتعمله اضافه بردو يقدم طلب لنفسه ويضيف الزوجه ويقدم طلب لزوجته ويضيف نفسه .
    لو زوجتك حامل وقت التقديم مش هتذكر الطفل الى جاي ده خالص وان شاء الله لو كسبت هتعمله اضافه فى ابلكشين الفوز
    لو واحد مطلق واتجوز تانى وعنده اطفال من زوجته الاول يبقا الاولاد دول هضيفهم معه فقط فى الطلب الى باااسمه لكن الطلب
    الى بااسم زوجته الجديده مش هضيفهم معاها والعكس صحيح
    بعد التقديم بتخد رقم علشان تعرف به النتيجة
    ووالتقديم مجانا بدون اي رسوم
    موقع التقديم [https://www.dvlottery.state.gov/](https://l.facebook.com/l.php?u=https%3A%2F%2Fwww.dvlottery.state.gov%2F%3Ffbclid%3DIwAR3mn_cEx8E9lyp9lRUxoKfXWHjTC76K1dWc_dLYaoL7DVfOp0hMwy7sOnU&h=AT2pzHO1qtZ1p2u28dIPCBy8QK-PGzly4D3ifNcxu2voyUw8Jof9CsXSuff50W2y1RjNUIf6cndqwg736yA9XGLpJEDpUU4NcCVUdEkw9QzZXq2vSKoaOX3gyVHwNB1e4ObASl7nGDrw90c8JqmxUuiqNXJieDY)

    والنتيجة بتكون على نفس الموقع فى شهر مايو
    من السنه الى بعدها يعنى مثلا انتا قدمت شهر 10 السنه الى احنا فيها دى 2018 يبقا النتيجة هتجبها فى شهر 5 السنة الجاية 2019 .

    ثالثا . شروط التقديم
    ان يكون عمر المتقدم 18 سنة غير مسموح تقديم فى سن أقل من 18
    أن يكون حاصل على مؤهل متوسط ثانوية عامة أو ثانوية صناعية أو زراعية أو تجارية , لو اقل من كدا يبقا لازم يبقا معه شهادة خبره
    4 سنوات فى اي مجال .
    ان يكون المتقديم حاصل على شهادة تأدية او أعفاء موقت أو تأجيل من التجنيد

    هذا العام اصبح على كل شخص ينوي التقديم ان يكون لدي باسبور ساري

    رابعا . المصاريف اللى هتحتاجها
    لو انتا سنجل ( مش متجوز ) ونجحت هتحتاج 550 $ ( 9350 جنية ) رسوم المقابلة والجرين كارد .. الى مش عارف يعنى اي الجرين ده زى البطاقه
    عندنا فى مصر وهتحتاج 2000 ترجمة اورق وكشف طبى وتذاكر سفر 9000 جنية وعلى الاقل هتحتاج معاك 2000 او 3000$ (34000 جنية )
    لحد ما تشتغل وتشوف حياتك يعنى كل الحكاية محتاج 55 الف جنية اوع تفتكر ان المبلغ كبير لان هناك الحياة مختلفه اقل ساعه فى
    امريكا فى اقل عمل 7.50$ وبتشتغل 8 ساعات فى اليوم يعنى اقل وظيفة فى امريكا هتبقا با 60$ فاااليوم باالمصرى ( 1050 جنية )
    لكن انتا بقا ممكن تشتغل شغل كويس والساعه ممكن توصل ل 20$ فى الساعه .
    الشخص المتجوز يبقا محتاج ضعف الشخص الى مش متجوز يعنى احنا قولنا الشخص الى مش متجوز محتاج 55 الف يبقا الشخص الى متجوز
    محتاج 110 الف جنية لو فى اولاد كتير يفضل اخذ مبلغ اكتر من 150 الف جنية

    خامسأ. الشهادة الدرسية الحصل عليها من بلدى الام

    لو انتا مهندس او محاسب او محامى او حرامى (هههه) كله نفس التعامل مفيش فرق بين اي حد والشهادة الى اخدتها من بلدك الام
    ملهش لازمه خالص الميكانيكى اكتر شخص ينجح فى امريكا وكل الى معهم صنعه افضل من الدكتور بتوصل ساعه العمل لـ الى معه
    صنعه 30$ و 40$ فى الساعه يعنى اي الكلام ده بقا ؟ يعنى يابشا انتا لو معاك صنعه هتكسب دهب فى امريكا ممعكش صنعه وهتقولى
    انا مهندس انا دكتور هقولك لو عايز تبقا مهندس فى امريكا او دكتور او على حسب الشهادة الى معاك يبقا تعديل الشهادة ودى محتاجه مبلغ مش صغير

    باالنسبه لناس اللى عايز تقدم ومش تخد الزوجه والاولاد معاهم امريكا .

    وانتا بتقدم لازم تكتب معلومات الزوجه والاولاد , وان شاء الله بعد التقديم

    هتحدد فى ابلكيشن الفوز انك هتسافر لوحدك , لو عملت فيها من بنها ومعملتش اضافه لزوجه والاولاد فى التقديم , 99% هتخد رفض فى المقابله وفلوسك هتروح عليك . فاامشي صح , وابقا حدد بعد الفوز انك مش عايزهم معاك فى امريكا . 
    Tarek
    @مرسلة بواسطة
    كاتب ومحرر اخبار اعمل في موقع المجرة .

    إرسال تعليق